Leitin endar hér!

Með því að kjósa rétt í næstkomandi borgarstjórnarkosningum að þá leggjum við grunnin að komandi blómatíð í íslensku samfélagi. Sú blómatíð mun byrja í borginni okkar Reykjavík og svo mun hún breiða úr sér yfir í landsmálin. Þetta hljóta allir réttsýnir menn að sjá að er lykillinn að björgun okkar þjóðar!

 

Guð blessi Besta Flokkinn!


mbl.is Ísland alræmt og þjóðin í sjálfsleit
Tilkynna um óviðeigandi tengingu við frétt

I'm back!

Já, það ver þessi svívirðilegi stuldur VG á kosningaloforðum okkar í Bestaflokknum sem fær mig til þess að byrja að skrifa hér aftur eftir áralangt hlé.

VG virðast ætla að beita fullkomnu siðleysi í þessum kosningaslag og reyna hér að slá vopnin úr höndum okkar í Bestaflokknum með því að taka upp hluta af okkar kosningaloforðum (ókeypis í sund fyrir alla!) og keyra þau í gegn í borgarstjórn.

hér má sjá nánar um þetta grafalvarlega mál ---  > http://bestiflokkurinn.is/ur-starfi-flokksins/

 

Guð blessi Bestaflokkinn!

 


Missum Okkur!

Ég verð að viðurkenna það að ég skil þetta mál ekki alveg.. Ég las þessa færslu frá Gills fyrir nokkrum dögum og gat ekki séð neina hótum um ofbeldi í pistlinum. Það sem ég las var að Egill ásamt svo mörgum ungum mönnum og konum hefur fengið uppí kok af rétttrúnaðar femínisma sem gerir ekkert nema veikja málstað þeirra femínista sem raunverulega vilja breyta því sem betur má fara. Í pistlinum dró Egill þá ályktun að ákveðnir femínistar þyrftu líklega bara að fá að njóta almennilegs kynlífs. Hvað svo sem fólki finnst um þessa ályktun að þá er hún í fullkomnu samræmi við lífsviðhorf Gills. Sumir þessara femínista vildi Gills meina að væru svo illa haldnir að það dygði ekkert minna en nokkra vel vaxna menn til að ná úr þeim pirringnum. Ekki var þó tekið fram hvernig ástar-meðferð Gills færi fram, hvort þessir vel völdu folar ættu að fjölmenna á þessar konur, eða hvort þeir ættu að heimsækja þær einn í einu yfir ákveðinn tíma á meðan á meðferð stæði. 

Fréttaflutningur mbl hefur sjálfsagt ekki dregið úr viðbrögðunum hér. Ekki veit ég hvernig fréttamaður mbl komst að þeirri niðurstöðu að um hótun um kynferðisofbeldi væri að ræða? Kannski að einhver doktor í kynjafræði hafi afkóðað pistilinn fyrir blaðamanninn? Annars langaði mig að velta hér upp tveimur spurningum varðandi þetta mál.

Í fyrsta lagi; Mega bara sumir beita gálgahúmor (einsog t.d. Hugleikur eða Megas) og má þá sá gálgahúmor bara beinast gegn ákveðnum þjóðfélagshópum en ekki öðrum?

og í öðru lagi; Þegar talað er um kynlíf eða ástarleiki og femínista í sömu setningu, er þá alltaf átt við kynferðisofbeldi? Hafa femínistar einir rétt á því að upplifa öll boð um ástaratlot sem hótun um nauðgun? Upplifir þetta enginn sem móðgun við raunveruleg fórnarlömb nauðgana?

 

Góðar Stundir 

 


mbl.is Gillzenegger tók bloggfærslu út fyrir mömmu
Tilkynna um óviðeigandi tengingu við frétt

Fordómafullur Fyrirliði

Ég hef verið að taka eftir sífellt opinskárri umræðu um "helvítis útlendingana" sem æða hingað til okkar óspillta lands til þess að nauðga og lemja á saklausu og hreinu samborgurum okkar.

Ég kippi mér svosem ekki mikið upp við það að heyra í bitrum og óttaslegnum andlegum öryrkjum sem tjá óumbeðið sínar misvitru skoðanir um þessi mál í símatímum útvarps Sögu. Reyndar hljómar sú stöð dálítið einsog að Tvíhöfði ráði þar ríkjum, slík er stundum geðveikin. Maður býst við því að heyra þessháttar vitleysu og fordóma á Sögu en mér hefur brugðið nokkrum sinnum undanfarið við að heyra fordómana koma frá meiri mainstream stöðum. 

Ekki alls fyrir löngu heyrði ég einhverja dagskrárgerðarstúlku vera að pirrast útí útlendinga á útvarpsstöðinni FM957. Sá sem stjórnaði þættinum með henni var ekkert að benda henni á hversu forheimskulega hún hljómaði og hún fékk að tala sig út um sín ömurlegu viðhorf til útlendinga. 

Í gær sá ég ör-viðtal við fyrirliða Íslandsmeistara Vals í knattspyrnu sem ég kann ekki nafnið á. Sá hafði áhyggjur af þeirri þróun að hingað streymdi ofbeldisfullur óþjóðalýður frá óæðri löndum og stæli hér öllu steini léttara. Vildi hann meina að þeir frambjóðendur Frjálslyndra sem vöruðu okkur við þróun mála fyrir kosningar síðasta vor hafi sannarlega haft sitthvað til síns máls. Spurning um hvernig erlendu liðsfélagar fyrirliðans tóku í þessi ummæli. Kannski átti fyrirliðinn við annarskonar útlendinga en þá sem koma til þess að hjálpa honum að sigra íslandsmeistaratitilinn í knattspyrnu? 

Lengi vel trúði maður því í blindni að á Íslandi fyndist lítið af fordómum í garð útlendinga en nú þegar fyrst á reynir, eftir að við höfum þurft að reiða okkur á erlent vinnuafl vegna stórframkvæmda hér á landi, kemur annað í ljós. Ljóst er að á Íslandi þrífst nóg af illa upplýstu eða illa gefnu fólki til þess að  fara fyrir fordómum á borð við þessa. 

Ég verð að viðurkenna að þegar fyrirliði í sigursælu íþróttaliði, sem á sér sjálfsagt marga unga áhangendur, lætur út úr sér koment sem afhjúpar fordóma á borð við þetta, að þá er mér töluvert brugðið. Einnig bregður mér að heyra svona talað á vinsælustu útvarpstöð unga fólksins. Greinilegt er með þessu að æ fleiri eru að koma útúr skápnum með rasisma sinn og að við erum síður en svo skárri en aðrar þjóðir sem við höfum hneykslast á gegnum tíðina hvað þessi mál varðar.

Ég sá óborganlegt atriði í hinum frábæru þáttum Næturvaktinni fyrir stuttu þar sem Georg Bjarnfreðarson í frábærri túlkun Jóns Gnarr gerist uppvís af ekta íslenskum rasisma. Þar fannst mér takast mjög vel til við að opinbera hverskonar blábjánar við getum verið í þessum malum. 

 

Útúrgóðar stundir. 


Móðursjúka Þjóð

Hér sýnist mér stefna í enn eitt móðursýkiskastið hjá þjóðinni. Ætli öllum eintökum af Djöflaeyjunni verði ekki safnað saman og efnt til blaðabrennu niðrá Austurvelli? Þvínæst verður skipuð nefnd með valinkunnum forræðishyggju snillingum og farið yfir allan skrifaðan texta, hvort sem hann er í formi bóka, ljóða eða söngtexta, eða fyrir útvarp, sjónvarp og bíómyndir. Leitað verður sérstaklega eftir verkum þar sem skrifað hefur verið um fatlaða,  geðveika, þroskahefta og um "viðkvæm" mál einsog klám, fíkniefni, ofbeldi, samkynhneigð. Verður þessum verkum öllum safnað saman og haldin allsherjar brenna á laugardalsvelli þar sem kynnt verða ný lög sem banna allt grín nema að það geti alls ekki misskilist og fjalli eingöngu um fyndna hluti eins og feita kalla sem detta á rassinn og rjómakökuköst. 

Það sem ég hef séð birt úr þessari grein í djöflaeyjunni er svo augljóst háð að fólk þyrfti að vera alvarlega greindarskert til þess að halda að hér væri einhverskonar leiðarvísir fyrir neytendur fíkniefna. En það virðist sem að það séu alltaf til einhverjir móðursjúkir móðgunarfíklar sem rjúka upp til handa og fóta um leið og blygðunarkennd þeirra er misboðið. Greinin finnst mér ekki síst vera skot á hversu illa við erum stödd í forvarnarmálum. Mín skoðun er sú að það þurfi að ákveða hvort skuli gera, leyfa neyslu fíkniefna hér á landi eða fara í almennilega baráttu gegn þeim. Ljóst er að núverandi ástand er ómögulegt. En það er nú efni í annan pistil. 

Veriði Sæl! 


mbl.is Fíkniefnaleiðarvísir birtur í fríblaði
Tilkynna um óviðeigandi tengingu við frétt

Stjáni og Stuðmennirnir

Jæja.. Þá er farið að rigna og ætli þá sé ekki best að blogga örlítið um
málefni líðandi stunda.

Ég horfði með öðru auganu á stórtónleika Kaupþings á laugardaginn síðasta.
Þjóðin lét ekki bjóða sér tvisvar og fjölmennti á Wembley til þess að berja
helstu poppara okkar íslendinga augum.

Ég missti reyndar af Páli Óskari flytja 2 af sínum nýju lögum en efast ekki um
annað en að hann hafi skilað því verkefni einsog sá fagmaður og súperstjarna sem
hann er.

Spenntastur var ég fyrir að sjá nýju grúppuna hans Einars Bárða, Lúxor. Mjög
gott nafn á þvottaefni, nei ég meina hljómsveit.. Ég veit ekki hvað skal segja, en ef Einari tekst að mjólka meiri monníng útúr sínum fjársterku aðilum fyrir enn eina listrænu
útrásina og sannfæra þjóðina í leiðinni um að þeir séu heimsfrægir, þá held
ég að fálkaorðan sé handan við hornið. Ekki veit ég hversu mikið var að marka
þessa fyrstu framkomu Luxor mér virtist sem að inntökuskilyrðin hafi verið þau að
hafa lært klassískan söng auk þess að hafa tekið þátt í Herra Ísland. Mögnuð
blanda! Great shit!

Annars á þessi pistill nú ekki að fjalla um tónleikana sem slíka, enda svosem fátt
sem stóð uppúr þessu kvöldi, nema ef vera skildi Mr. Morthens sem sýndi það og
sannaði að maður þarf ákveðna tegund persónutöfra til þess að standa á svona
stóru sviði. Nokkrir þeir sem komu á undan Bubba reyndu máttlítið að rífa upp
stuðið en það skilaði engu nema ískyggilegum bjánahrolli heim í stofu. Sama hvað
segja má um Bubba, þá hefur hann "þetta" og hver einasti tónleikagestur virtist vera
á hans valdi.

Reyndar er Egill Ólafs ekki laus við "þetta" og ekki heldur Bó Halldórs en hann var
einmitt mættur til að flytja með Agli og Stuðmönnum "tætum og tryllum" þetta
umrædda kvöld. Ég fékk ekki betur séð en að Stuðmenn hefðu staðið sig
prýðilega, en þjóðin virtist hafa átt von á því að þarna yrðu þau Ragga, Valgeir og Þórður með stuðmönnum, svona í tilefni afmælis Kaupþinga, en
svo var ekki. Stuðmenn sýndu að þeir eru ungir í anda og alltaf til í að gera
flipp. Þeir mættu í skáta/kraftverk búningum og spiluðu nokkra slagara á
hljóðgervla og raftrommur. Nokkuð djarft hjá þeim félögum, reyndar svo djarft að
mörgum þótti nóg um.

Bloggsíður, Barnalönd og önnur hringleikahús kváðu í kjölfarið upp dóm sinn
yfir Stuðmönnum. Þeir eru fínídó! Wahsed up! Glataðir gaurar! Og Bó líka!
Glatað! Alveg sama þó þetta hafi verið ókeypis tónleikar.. þeir eiga bara að
skammast sín!

Ég veit ekki hvenær þjóðin gerðist svona rosalega dómhörð, en eitt er víst að
internet-þjóðarsálin vill daglegar aftökur. Íslenska internetið er orðið einsog
slæmur Jerry Springer þáttur. Ég sá t.d. umræður um Magna á síðunni
ormapyttur.is, nei ég meina barnaland.is fyrir skemmstu þar sem hann var sagður yesterdays news..
búinn að vera osfv, af sama fólkinu og festi ekki svefn vegna taumlausrar aðdáunar sinnar á kappanum fyrir minna en ári.

Það er stórfenglegt að fylgjast með því fuglabjargi sem kennir sig við barnaland.
Þar keppast gammarnir við að gjamma upp og niður fólkið í landinu. Einn er eina
stundina alveg frábær og allir sem ekki eru á sama máli eru bara gamaldags heimskir lúðar og
svo hina stundina er sá hinn sami orðinn óld njús og vitiði hvað hann gerði ó
guð minn góður og ef þú fílar hann þá þarftu bara að fara í geðrannsókn!! og
svo dönsuðu þau öll saman í hring..

Niðurstaða mín í þessu máli er sú að Stuðmenn séu mistækir einsog fólk
almennt, en þjóðarsálin er washed up, búin að vera, yesterdays news!

veriði bæ!


Áríðandi Tilkynning Frá Lúkas!

Mikið hlýtur að vera gaman hjá æðri máttarvöldum þessa daga eftir að þau frumsýndu verkið skemmtilega um ógæfuhundinn Lúkas á litla sviðinu í norðurhafi. Æðri máttarvöld meiga líka vera hamingjusöm með árangurinn, því verkið vakti mikla athygli fyrir rammsúrealíska þjóðfélagsádeilu.
Annars setti ég mig í samband við hundamiðil sem sérhæfir sig í lifandi hundum sem taldir eru af og náðum við sambandi við döðluhundinn lúkas. Hann vildi koma eftirfarandi skilaboðum áleiðis til fyrrverandi eigenda sinna:
Kæra mannfólk! Ég kæri mig ekki um að fara til hundarakara! Ég kæri mig ekki heldur um að fara í ljós né vera með eyrnalokka, hálsmen eða annað asnalegt og ókarlmannlegt glingur. Ég kæri mig ekki um að vera í þessum asnalegu fötum sem þið klæðið mig í. Ég kæri mig ekki um að vera meðhöndlaður sem barbídúkka. Ég er hundur! Voff! Comprende? Og að lokum, þá kæri ég mig ekki um að vera kallaður Lúkas!
Vegna alls þessa, þá átti ég engra annara kosta völ en að strjúka og ég bið ykkur vinsamlegast að láta það eiga sig að vera að reyna að ná í mig.

ps; Notiði getnaðarvarnir!

Í alvörunni!

Veriði sæl!


Guðjón Þórðarson Er Snillingur!

Ég get ekki haldið í mér að rita hér örlítið um þennan dramatíska leik sem fram fór á Akranesi síðastliðinn miðvikudag. Hér hefur margt verið skrifað og óþarfi að endurtaka það en mér hefur fundist margt hafa orðið eftir í umræðunni.
Það má deila endalaust um hvort Bjarni hafi skotið viljandi á markið í þeim tilgangi að skora eða hvort þetta hafi verið óviljaverk. Spurning hvort að það sé tilviljun að þetta sé sá sami Bjarni og lét sig falla í vítateig Keflvíkinga í fyrri hálfleik og uppskar víti og mark útúr því. Ég held að einhverjir yrðu rotaðir í ensku deildinni fyrir svona framkomu og skil ég svosem ágætlega að þegar hingað var komið við sögu hafi soðið uppúr hjá Keflvíkingum enda miklir keppnismenn og óþolandi að láta svína svona á sér. Það var þó ekki með þeim hætti að einhver hafi hlotið skaða af, enda hefðu leikmenn verið reknir útaf fyrir slíkt.
Það sem mér finnst einna merkilegast við þetta alltsaman er það sem gerist svo eftir leikinn, þ.e. viðtölin við Bjarna og Guðjón í ýmsum fjölmiðlum. Guðjón Þórðarson er náttúrulega enginn aukvissi í að eiga við fjölmiðla og sýndi hann svakalega takta í þeirri listgrein í gær. Fyrst þegar hann sagði spurningu fréttamans RUV vera ranga, þvínæst breytti hann spurningunni (til sín) og svaraði henni. Þetta held ég að ég hafi aldrei séð gerast í viðtali áður. Þvílíkur gargandi snillingur þessi maður! í þessu sama viðtali þá segir Guðjón að Bjarni hafi verið pressaður af keflvíking þegar hann tók skotið og hafi þessvegna kingsað.. ef að upptakan er skoðuð sést að enginn er nálægt Bjarna sem hittir boltann ágætlega.. ég veit ekki hvort ég á að trúa upptökunni eða Guðjóni..? Það er allavegana ljóst að Guðjón trúir ekki upptökunni heldur sjálfum sér, enda mjög sannfærandi maður.
Seinna fara þeir Guðjón og sonur hans í kastljósið þar sem "dreifa athyglinni frá því sem gerðist" tækninni var beitt af miklum mætti. Best þótti mér þó þegar Guðjón tók andköf yfir ofbeldinu sem fólkinu hans var hótað af Keflvíkingum. Guðjón er náttúrulega þekktur friðarsinni og geta menn einsog Einar Kárason vitnað til um það, auk þess sem Guðjón er sérstakur heiðursgestur í Newcastle borg þar sem hann sýndi mjög minnisstæða og friðsamlega tilburði hér um árið þegar hann var þar staddur að "hjálpa" syni sínum, honum Bjarna.
Nú spyr ég,, afhverju er þessi maður ekki á alþingi? Svona snillingar finnast nú ekki á hverju horni..

Veriði sæl!


mbl.is Yfirlýsing frá Keflvíkingum
Tilkynna um óviðeigandi tengingu við frétt

Íslensk Tónlist

Við foreldrarnir fórum í 30 ára afmæli vinar okkar í gærkvöldi og skildum Heklu eftir í umsjá ömmu og afa. Hún var hreint ekki á því að leyfa okkur að fara og mótmælti hástöfum.. í tæpa 2 klukkutíma! Ekki veit ég hvaðan hún hefur þessa þrjósku stúlkan. En við fórum nú engu að síður og skemmtum okkur mjög vel í veislunni sem haldin var á barnum sem liggur fyrir neðan hegningarhúsið. Fólk fékk þar að drekka allar sortir fríkeypis, nema ég, sem þurfti að borga fyrir sódastreamið.. Dálítið sérstakt.
Þetta var voðalega sæt veisla, ekkert of margir gestir en þeim mun vandaðari, s.s. fáment en góðment. Það sem stóð þó uppúr veislunni voru 2 hljómsveitir sem tróðu upp til heiðurs afmælisbarninu. Sú fyrri heitir Reykjavík Ég varð fyrir innblástri við að horfa á.. þvílík spilagleði, þvílíkt rokk, þvílík veisla! Ekki nóg með að lagasmíðar þeirra virtust vel yfir meðallagi góðar fyrir rokkhljómsveitir, heldur var sviðsframkoma þeirra mögnuð. Ég endurtek, ég varð fyrir innblástri! Reykjavík í Eurovision!
Á eftir þeim kom svo hljómsveitin FM Belfast. Ég hafði ekki séð þá hressu krakka á tónleikum áður, ekki frekar en Reykjavík. Skemst er frá því að segja að FM Belfast voru stórkostleg. Mátulega kærulaust tölvupoppið sem flytjendur höfðu greinilega unun af að færa áhorfendum veitti mér gæsahúð oftar en einu sinni þetta kvöld. Sérstaklega þá óvenjulegt cover þeirra af gamla RATM laginu, killing in the name of. Alveg frábært stuff! FM Belfast í Eurovision!
Greinilegt er að tónlistin lifir góðu lífi á íslandi í dag og það gleður mitt gamla pönk hjarta!

Veriði sæl!


Fjölmiðla-Sifjaspell

það er orðið langt síðan ég skrifaði hér síðast. Ég hef verið að velta því fyrir mér um hvað maður ætti að skrifa hérna eftir að kosningunum lauk því ég nenni ekki að standa í röfli um stjórnmál svona stuttu eftir kosningar. Heldur vil ég óska nýjum og eldri ráðherrum til hamingju með embættin og vona innilega að þeim takist að bæta hag okkar allra og að þeir verði okkur til sóma næstu 4 ár. 

Ég held að ég noti frekar þessa síðu til þess að blása út af og til um þjóðfélagsmál almens eðlis, án þess þó að ég búist við því að verða mjög afkastamikill á því sviði. 

Ég hef áður skrifað þá skoðun mína hér á blogginu að líklega hafi Davíð Oddsson haft töluvert til síns máls með fjölmiðlafrumvarpi sínu. Þetta sér maður æ oftar og virðist 365 samsteypan vera hægt og rólega að breytast í risavaxið skrímsli. Í dag sá maður foringjahollustuna leka af fréttablaðinu í umfjöllun sinni um mál Egils Helgasonar. Ég hef lauslega fylgst með málinu og ætla ekki að taka afstöðu til málsins hérna, þ.e. hver er að skrökva og hver ekki en mér fannst vægast sagt aumt að sjá pillurnar sem blaðið skrifaði um málið í dag.

Það hefur hallað verulega á 365 í þessu máli og nú á greinilega að nýta sér völdin til þess að breyta umfjölluninni. Samkvæmt blaðamanni voru þættir hins svikula Egils tóm þjáning á að horfa, Egill gat aldrei horft í rétta cameru, hikaði og stamaði í sífellu og ég veit ekki hvað og hvað.. Síðasta pillan er svo á þá leið að  nú þegar Egill er farinn, geti Stöð 2 loksins gert almennilegan umræðuþátt um pólitík. Þar er nefndur Heimir Már sem kandídat í að rúlla yfir þessar vandræðalegu tilraunir Egils til að halda uppi umræðuþætti. hmm..? Þessi ágæti penni sem skrifaði þessar pillur hefur greinilega átt mjög erfiða helgi.

Mikið rosalega er þetta aumkunarvert að ráðast svona á fyrrverandi samstarfsmann sinn. Jafnvel Þó að Egill hefði hegðað sér illa, gert vonda þætti, svikið allt og alla og brotið allt og bramlað, þá lætur fullorðið fólk ekki svona. Þetta er augljóslega hættan sem stafar af því að starfa á fjölmiðli sem á fullt af öðrum fjölmiðla systkinum. Má því segja að þegar að fjölmiðla systkinin hópa sér svona saman að hálfgert fjölmiðla-sifjaspell eigi sér stað.  

365 eru einfaldlega tapsárir yfir því að hafa misst yfirburðar mann til RÚV og vita mætavel að hvorki Heimir Már né aðrir fréttamenn stöðvar 2 eiga lítinn séns í að færa okkur jafn lifandi umræðu um pólitík og Egill hefur gert undanfarin misseri. Betra væri þó fyrir ásjónu fyrirtækisins að láta það eiga sig að hreyta ónotum í Egil, hvort sem það er gert á vísi.is, Bylgjunni, Stöð 2 eða Fréttablaðinu. 

Veriði sæl 

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband