Hvenær Kemur Kæran?

Ég vaknaði alveg ofurspenntur í morgun, ekki bara útaf leik Liverpool og Chelsea i kvöld, heldur líka vegna yfirvofandi símtals frá lögfræðingi/um (Kannski er hann með heilan her lögfræðinga?)  Ómars R. 

Veit einhver hvernig svona virkar? Kemur einhver jakkafata-gosi með umslag og afhendir mér formlega kæruna? Eða kannski lögreglan bara? Þarf ég að kvitta fyrir móttöku kærunar? Hvernig fer svona lagað fram? Er einhver hérna í blogglandi sem Ómar hefur kært áður og getur upplýst mig um hverju ég má eiga von á? Hann nefndi einhvern lögfræðing með nafni í símann í gær en sökum hve rödd hans var bjöguð af reiði heyrði ég ekki hver það var.

Annars rakst ég á skemmtilega gátu hérna á netinu tengda þessu máli öllu.

 

Veriði sæl! 

 

Ómar R. Valdimarsson Ætlar Að Kæra Mig :)

Ég er aðeins búinn að vera hér í blogglandi rúmar 2 vikur og er strax kominn með kæruhótun vegna skrifa minna! Ég lít á þetta sem glæsilegan árangur. Fékk símtal áðan frá Ómari R. Valdimarssyni þar sem hann hótaði mér málsókn vegna skrifa minna um hann hér að neðan, ef ég ekki tæki þau niður án tafar, Gaf mér 10 minutur.. He he, afar lýðræðislegt Ómar minn.. Augljóst að hér fer maður sem kann að beita valdi og snúa niður fólk ef að það er ekki á sama máli og hann eða vogar sér að benda á hræsnina sem vellur uppúr honum :D Spurning um hvar hann hafi lært þessi vinnubrögð?

Ég bíð þá eftir kærunni Ómar minn. Gjörðu svo vel og verði þér að góðu!

Veriði sæl!

Aðal Rasisti Bloggheima

Ég hef rætt töluvert um rasisma hér og bent á nokkra frambjóðendur frjálslynda sem hika ekki við að bera útlendingahatur sitt á borð hér í bloggheimum. Nú hef ég fundið einn til, svæsnari en hinir lagðir saman, talsmann impreglio á íslandi sem einmitt var í fréttum í gær vegna ömurlegs aðbúnaðar starfsmanna sinna og átti afar smekklaust koment varðandi það mál allt í fréttablaðinu í dag.. en hvaða máli skiptir það, þessir útlendingar lesa hvorteðer ekki íslensku blöðin. Nú hefur þessi ágæti piltur einsett sér að koma á veg fyrir það að fyrsti nýbúinn verði kjörinn á alþingi íslendinga. Hann ber á hann ílla framsettan róg með dassi af samsæriskenningum um að hann hafi gerst sekur um gálgahúmor, ekki ósvipaðan og hann sjálfur gerðist sekur um í fréttablaðinu í dag. Þessi drengur virðist vera sérlega viðkvæmur fyrir húmor, hann stóð fyrir krossför gegn Jóni Gnarr á sínum tíma, þegar honum ofbauð annars afar fínt grín Jóns. Það hlýtur að vera óþolandi að lenda í klónum á svona tepru sem kýs að sjá ekki samfélagsgagnrýnina í einföldu gríni, heldur túlka allt svona bókstaflega til þess að hampa sjálfum sér í fjölmiðlum.

Rógburðurinn og samsæriskenningar um aðild Pauls að gálgahúmor var ekki nóg fyrir þennan sjáflkjörna siðapostula heldur fann hann líka að því að ekki væri hægt að finna símanúmer Pauls í símaskránni, þar af leiðandi væru lýðræðishugmyndir VG fallnar um sjálfa sig.. 

Ég vogaði mér að biðja hann í komentakerfi hans um að hætta að drulla svona yfir sjálfan sig trekk í trekk, hann væri orðinn aðhlátursefni hér á vefnum en hinn lýðræðiselskandi Ómar R Valdimarsson kaus að stroka ummæli mín af síðu sinni og meina mér aðgang að komentakerfi sínu. Hér fer maður fullur af mótsögnum. Ég mæli því með því að þið ágæta fólk látið í ykkur heyra á kerfinu hans svo að útlendingahatur hans standi þar ekki óhaggað.

 

Veriði sæl! 

Örvænting Framsóknar

Ég horfði á ísland í dag á miðvikudaginn þar sem frambjóðendur sátu fyrir svörum í einhverju sem á að heita pallborðsumræður. Þá var nýbúið að kunngjöra niðurstöður skoðanakönnunar úr kraganaum. Menn komu misvel og ílla útúr því, Bjarni Ben var öryggið uppmálað þrátt fyrir að vera áberandi yngsti frambjóðandinn. Ömmi var léttur og yfirvegaður. Gunnar Svavarsson var ágætur, kom þó afar kjánalega út að vera sífellt að veifa einhverjum kynningarbæklingum samfylkingarinar líkt og þar væri eitthvað merkilegt að finna. Lárus Vilhjálmsson náði sér aldrei á strik en reyndi þó að segja afar misheppnaðan brandara sem féll hreint ekki í kramið hjá neinum (vildi meina að frambjóðendur Íslandshreyfingarinar vildu frekar vera að djamma í Köben en í kosningaþætti á stöð 2) frambjóðandi frjálslyndra var stressuð með endemum og náði þeim ágæta árangri að koma verr út en frambjóðandi VG í umræðuþætti kastljós frá ísafirði fyrr í vikunni.

Þá er bara einn frambjóðandi ótalinn og hlýtur hún skammverðlaun þáttarins; Siv Friðleifsdóttir. Greyið Siv getur verið svo fjarskalega taktlaus að leitun er að öðru eins. Ég gleymi seint þegar ég sá viðtal við hana fyrir utan kjörstað fyrir síðustu kosningar þar sem hún talaði um fátækt á íslandi og hvað framsókn ætlaði sér að gera í þeim efnum, því næst fór hún að tala um nýja jeppann sinn, hvað hann væri nú fínn og að allir þyrftu nú að eiga einn svona.. úff.. þetta var svolítið einsog eitthvað spaugstofugrín..                Á miðvikudaginn var hún aftur á móti alveg í uppnámi yfir skoðanakönnuninni sem sýndi að kjósendur vilja að hún fari að leita sér að öðru starfi. Brá hún á það ráð sem virkar alltaf afar ílla á mig að biðla sérstaklega til kvenna, þar sem hún er jú, kona.. Ég verð að segja að mér finnst þetta með ólíkindum smekklaust og niðurlægjandi fyrir konur alment, "hey, hún er kona! Ég er líka kona.. étla kjósa hana!!" Þetta reynir líka Ingibjörg Sólrún þegar hún er desperat. Þetta virkar frekar rasískt á mig, hvernig færi það ofaní fólk ef Steingrímur J. færi að einbeita sér að því að höfða til hvítra karlmanna?? "Ég vil vera fulltrúi hins hvíta karlsstofns sem býr í þessu landi og hvet ég því alla hvíta karlmenn til þess að standa saman og kjósa mig í næstkomandi kosningum" hmm.. 

Veriði sæl! 

Íslenskir Rasistar

Ég hef mjög gaman að því að lesa annara manna blogg. Sérílagi þegar ég á að vera að vinna.. Þetta er alveg nýr ósiður sem ég hef tileinkað mér og finnst mér sérstaklega gaman að skoða blogg hjá fólki sem mér finnst hafa kjánalegar skoðanir á lífiinu.  Þar á meðal eru nokkrir kostulegir framsóknarmenn og einn og einn samfylkingarmaður. Það má líkja þessu við einhverskonar nautn, "best að athuga hvaða vitleysu þessi fábjáni er nú búinn að skrifa" og svo þarf maður að hafa sig allan við til þess að fara ekki að hæðast að viðkomandi í kommentakerfinu þeirra.. Já, stór partur dagsins getur farið í þetta og ég tala nú ekki um ef að maður skildi nú lenda í ritdeilum við viðkomandi.

Efstir á þessum lista mínum yfir "Snillinga" sem ég fæ sérlega nautn útúr því að lesa eru nokkrir frambjóðendur Frjálslyndra. Mjög oft tekst mér að fylla á gremju-tankinn minn með lestur af bloggsíðum frá þeim vitringum.

Það er mjög sérkennilegt að fylgjast með kosningabaráttu þeirra þar á bæ. Þegar þeir koma fram í fjölmiðlum, þá helst Guðjón Arnar, sverja þeir af sér allan rasisma og benda á að aðrir flokkar hafi nú verið með svipaðar hugdettur og þeir séu að bera fram, uppá teningi sínum í gegnum tíðina. Kannski taktískt rétt hjá Guðjóni.. líklegra að þeir sem FF eru að miða inná í sínum rasísku atkvæðaveiðum séu frekar að horfa á rambó 3 en kosningaumræður á RUV. Svo þegar spyrlar þáttana ásamt frambjóðendum annara flokka saka þá um rasisma setur Guðjón upp svip fórnarlambsins og skilur ekkert í þessu einelti.

Í kjölfar þessa fór ég að velta fyrir mer hvort þjóðin væri orðin móðursjúk aftur.. eitthvað svipað væri að gerast með greyið FF og átti sér stað þegar þjóðin fór á hvolf í hræsni sinni varðandi yfirvofandi heimsókn klámmyndaframleiðanda. Kannski vilja FF útlendingum ekkert nema gott eins og Guðjón Arnar vill meina.

En þegar maður les bloggin frá frambjóðendum er allt allt annað uppá teningnum hjá þeim flestum. Þessi t.d. er ekkert annað en rasisti. Hér er svo annar vinur hans búinn að skriflega opinbera sína rasísku hugmyndir á afar ógeðfeldan hátt. 

Niðurstaðan er þá þessi; þrátt fyrir að FF reyni að spila sig sem fórnarlömb í ósangjörnum árásum á þá, (þeir vilji í raun allt gott fyrir útlendinga gera) þá sýna þeir sitt sanna eðli hér á blogginu. FF er hreinn og beinn rasistaflokkur. 

 

Veriði Sæl! 

Jón Baldvin is back!

Jón Baldvin er farinn að láta hressilega í sér heyra uppá síðkastið og íhugar nú jafnvel framboð með íslandshreyfingunni.. spes..

Jón hefur ítrekað látið í það skína að hann væri boðinn og búinn til þess að aðstoða Samfó með hvaða hætti sem væri fyrir þessar kosningar, en Samfó hefur ekki haft nokkurn áhuga á tilboðum hans. 

Hversvegna vilja þeir ekki fá í sínar raðir þennan landsfræga og "bráðsnjalla" stjórnmálamann? það er ekki einsog listar Samfó séu útroðnir eintómum snillingum en samt vilja þeir ekki sjá hann á sinum listum..
Samfó kemur fram við þennan aldna kratforingja líkt og yfir honum hafi legið einhverskonar bráðeldfim kynferðisafbrotakæra.. 

En hversvegna er þá Jón farinn að íhuga framboð á ný?

Kannski var kærunni vísað frá vegna tæknigalla?? 

maður spyr sig..

 

Veriði sæl! 

Klámfengið Silfur

Það er allt annað að sjá til Ingibjargar Sólrúnar þessa dagana. Sá hana í fréttum í gær þar sem hún var afslöppuð og yfirveguð og svo hjá Agli í hádeginu þar sem það sama var uppá teningnum.
Það er augljóst að "leikstjóri" Sollu hefur náð að draga úr reiði hennar, ég sé þetta alveg fyrir mér "Solla, minni reiði, meiri mamma! þú ert móðir þessa lands, landsmóðir, sleptu takinu af refsivendinum Solla.. Davíð er farinn, þú ert alfa og omega okkar.."
Annað sem ég tók eftir hjá Agli var það hversu ofsalega hliðhollur Samfó og Sollu Egill var.. þetta var nánast klámfengið, fékk svona nett á tilfininguna að þetta viðtal hafi verið æft.. Egill reyndi að ná fram vasaklúta mómenti þegar hann fór að tala um ósanngjarnt einelti á hendur henni.. frekar sjúskað móment. Augljóst að Egill er kominn útúr skápnum opinberlega með afstöðu sína til þessa kosninga,talaði stanslaust niður til umhverfisstefnu VG og íslandshreyfingarinar líkt og að umhverfismálin hefðu verið bóla sem nú er sprungin og nú ætlar hann sér að leggja lóð sín á vogaskálar baráttu samfylkingarinar. Það þykir mér synd því það er svo ljómandi gaman að horfa á þessa þætti oftast..

Veriði Sæl

Góðar fréttir af landsfundi Samfylkingarinar

Merkilegt að heyra í hvaða tól samfylkingargreyin eru farin að grípa í. Nú þegar flokkurinn er farinn að stefna í ör-fylgi, eftir að þjóðinni varð ljóst hverslags populismi er stundaður þar á bæ, hafa þau brugðið á það ráð að hella sér útí þann hræsluáróður um að VG muni hrekja héðan burtu banka og að ómögulegt sé að starfa með þeim þar sem þeir geri ekkert nema að væla um hvað það sé erfitt að búa á íslandi. Sá sami og lét þetta útúr sér á landsfundi þeirra krata sagðist ekki sjá fyrir að hægt væri að vinna með VG vegna þessa og ennfremur að þeir ætluðu sér ekkki að vera neitt varadekk undir bíl íhaldsins líkt og framsókn hefur stundað undanfarin misseri.
Ég er nú farinn að hallast að því að maður þurfi að vera yfir meðallagi ílla gefinn til þess að meiga vera í framboði hjá Samfó. Þarna talar þessi ágæti piltur, Árni Páll, um að Samfylkingin, sem mælist nú í kringum 20% í könnunum ætli sér í samstarf með hvorugum af tvemur stærstu flokkunum..?? Sumsé, Samfylkingin ætlar að vera áfram í stjórnarandstöðu næstu 4 ár.
Það eru mjög góðar fréttir!

Meiri mússík minna mas..

Ég var að fatta að þessar bloggfærslur mínar eru tómt nöldur..

nú ætla ég aftur á móti að gerast rosa hress og posta hérna nýja videoinu sem við Börkur Sigþórs leikstýrðum í sameiningu útí Mexico ekki alls fyrir löngu.

 http://www.youtube.com/watch?v=SHhU_iBCRXI

kann því miður ekki að setja svona myndbönd inn, því verðið þið að slá inn linkinn hér að ofan..

 

Veriði sæl! 

Eru feministar athyglissjúkir?

Las í fréttablaðinu í dag að feministar væru að íhuga mál á hendur vífilfelli vegna kók zero auglýsinga þeirra. það hlýtur að vera hrikalega þreytandi að vera sífellt með þessi kynjagleraugu á lofti. endalaust rýnt í allt og ekkert, hvort sem það eru gos-auglýsingar eða bílslys.. "mér finnst nú töluvert hallað á rétt kvenna i þessu slysi, hér sjáum við hvernig karlmaðurinn hefur troðið sér ofaná kvennmannin og lætur sig blæða yfir hana alla..!" Maður hélt að femenistar væru í smá pásu eftir smáralindar-hneykslið, en nú virðast þeir hafa fengið vind í seglin. Kók Zero!

Ég hef lengi haldið því fram að feministar séu öflugasta auglýsingastofa landsins þegar þær taka sig til. Margir hafa kveikt á því og reynt að stuða þá til þess að fá ókeypis féttafluttning um vörur sínar eða uppákomur. Nú eru margir skeleggir feministar ágætis vinir mínir og er sjálfur á jaðri þess að geta talist til þeirra sjálfur. Þeir vinir mínir eru upp til hópa afar vel gefið fólk sem meinar og vill vel, þessvegna er mér fyrirmunað að skilja afhverju þeir falla aftur og aftur fyrir þessu bragði. 

Vífilfell of auglýsingastofa þeirra, Vatikanið hljóta að vera hæstánægðir með árangur sinn. Með því að fá feminista til að mótmæla vöru þeirra opinberlega skrúfast varan betur inná markhóp þeirra, sem eru gaurar, ungir sem aldnir sem eru hreint ekki hliðhollir smáralindarstefnu feminista. Þvert á móti, þá fer þetta kvabb í taugarnar á þeim og þá verður það verður statement að drekka kók zero. 

Að því gefnu að feministar séu ágætlega vel gefið og meinandi fólk áætla ég að annað hvort séu þeir "inn on it" þ.e. fái borgað fyrir þessa markaðssetningu sína, eða séu bara einfaldlega sjúklega athyglissjúkur hópur fólks, sem lifir eftir þeirri reglu að "all press is good press" þ.e. að svo lengi sem þau fái reglulega umfjöllun í fjölmiðlum, að þá skipti það engu hversu asnalega þau líti út eða kjánalegur málstaður þeirra kunni að hljóma. 

 

Veriði sæl!